
马尔巴大师教言集MARPA25ཚིགས་སུ་བཅད་པ་བརྒྱད་པ།
2-1-72a
༄༅། །ཚིགས་སུ་བཅད་པ་བརྒྱད་པ།
༄༅། །ཚིགས་སུ་བཅད་པ་བརྒྱད་པ་བཞུགས་སོ། །མཁས་པ་ཆེན་པོ་ནཱ་རོ་པས། །བཅུ་གཉིས་བར་དུ་བླ་མ་བསྟེན། །ཞབས་དྲུང་གདམས་པ་མནོས་པ་ནི། །སྐྱེ་ཤི་རྨི་ལམ་བར་དོ་དང་། །སྲིད་པའི བར་དོ་གསུམ་དུ་གནས། །ཉམས་བླངས་བསྲེ་འཕོ་གཉིས་སུ་འདུས། །བསྲེ་བ་བསྒོམས་པས་སངས་རྒྱ་བ། །འཕོ་བ་མ་བསྒོམས་སངས་རྒྱས་ཐབས། །སྐྱེ་ཤི་བར་དོར་བསྐྱེད་རིམས་(རིམ་)དང་། །རྩ་རླུང་རྫོགས་
2-1-72b
རིམས་(རིམ་)བསྲེས་ལ་བསྒོམ། །རྨི་ལམ་དང་པོ་རྨི་དུས་སུ། །འོད་གསལ་མན་ངག་བསྒོམ་དང་བསྲེ། །རྨི་ལམ་དུས་སུ་བསྒོམ་དང་བསྲེ། །ཉམས་མྱོང་ཅིག་ལ་བརྟེན་ནས་ནི། །འཆི་བའི་དུས་སུ་སྲིད་པ་བར་དོའི་(དོ་ཡི། །)དང་པོ་མ་རིག་འོད་གསལ་འབྱུང་། །[རྨི་ལམ་ཉམས་བསྒོམ།] དེ་ཡི་དུས་སུ་རྩ་རླུང་དང་། །རྨི་ལམ་ཉམས་མྱོང་བརྟན་པ་ཡིས། །འོད་གསལ་བསྟིམ་པས་ཆོས་སྐུ་ཐོབ། །གཞན་པས་བར་དོ་གཉིས་པ་འབྱུང་། །མ་དག་སྒྱུ་ལུས་[འོད་གསལ་ལམ་གཏུམ་མོའི།] གསལ་བ་ལས། །[དེ་ནས།] དག་པ་སྒྱུ་ལུས་ཐོབ་པའོ། །[རྨི་ལམ་མ་སྐྱེས་ན་གཉིད།] གཞན་པས་ཐོབ་པར་[འཆི་ཀར།] མ་གྱུར་ན། །[རྨི་ལམ་བར་དོ་ལས།] བར་དོ་གསུམ་པ་[སྲིད་པ་བར་དོ།] གྲོང་འཇུག་གིས། །སྒོ་འདི་ཆགས་སྡང་གཉིས་ཀྱིས་བསྐྱེད། །[རྨི་ལམ་བར་དོ། ལོངས་སྐུའི།] བསྐྱེད་རྫོགས་གཉིས་ཀྱིས་ཆགས་སྡང་གི། །སྒོ་འདི་བཅད་ནས་སངས་རྒྱས་ལ། །མི་ཐོབ་པ་ཡི་ཐེ་ཚོམ་མེད། །སངས་རྒྱས་དང་འདྲ་བླ་མས་གསུངས། །[འཆི་བའི། འདོད། ཞེ།] སྦྱངས་ནས་འཕོ་དང་བཙན་ཐབས་འཕོ། །ལུས་བཅོས་པ་ཡིས་འཕོ་བའོ། །[འདོད། ཞེ། བསྐྱེད་རྫོགས་གཉིས་ཀྱི། སྒོ་རྫོགས་རིམ་ནི། བསྐྱེད་རིམ་གྱིས་བར་དོར།] མ་བསྒོམ་[དེ་གཉིས་ན།]སངས་རྒྱ་(རྒྱས་)བླ་མ་(མས་)གསུང་(གསུངས། །) གདམ་(གདམས་)ངག་ཚིགས་སུ་བཅད་པ་བརྒྱད་པ། །[དེ་ཚོ་མེད་ན་ཅི་བྱ་ན།] རྗེ་མར་པ་ལོ་ཙ་(ཙཱ་)བས་མཛད་པ། འདི་སུ་ལ་མི་སྦྱིན་པ་བཀའ་རྒྱ་གདའ་འོ། །དོན་གོ་བསྐྱེད་པ་བླ་མ་ཅེས་(ཞེས་)སོ་གསུང་། །ཨྠིི།། །།


目录
ཚིགས་སུ་བཅད་པ་བརྒྱད་པ།